Kroati Marko Juriç është një nga futbollistët në rradhët e Vllaznisë që do të rinovojë kontratën sërish me skuadrën kuqeblu.
Kroati, i cili shënoi edhe një gol në 24-ndeshje të luajtura, është në planet e drejtuesve të Vllaznisë edhe për një sezon tjetër dhe prandaj pritet të zyrtarizohet edhe rinovimi me këtë futbollist, gjë e cila është paralajmëruar prej ditësh nga “Shkodra Sport”.
Megjithatë, Juriç ka kërkuar dy-tri ditë leje më shumë për të qëndruar në Kroaci për shkak të një gëzimi familjar që ai ka pasur. Në Shkodër e kanë mirëkuptuar kroatin për këtë gëzim familjar dhe tashmë janë në pritje të rikthimit të tij për të vijuar bashkëpunimin edhe për një tjetër sezon në karrierën e tij në rradhët e kuqebluve.
Ai konsiderohet një element i rëndësishëm i skuadrës dhe trajneri Migen Memelli ka kërkuar që ai të jetë pjesë e ekipit të tij në sezonin e ri. Këtë sezon me Vllazninë, Marko Juriç u aktivizua në 30-ndeshje në mes kampionatit dhe Kupës, teksa arriti të shënojë edhe dy gola me fanellën kuqeblu, një në kampionat ndaj Laçit dhe një në Kupë ndaj Flamurtarit.
Maringlen ZHIVANI
