Pasditen e sotme eshte zhvilluar ceremonia permbyllese e kupes “Ismet Hoxha”, kupe kjo e organizuar prej disa javesh nga Zyra Rajonale e Federates Shqiptare te Futbollit, me inisiativen e drejtuesit te saj Hysen Zmijani.
Para ceremonise nderkohe jane zhvilluar ndeshjet finale te tre grupmoshave per te cilet eshte zhvilluar kjo kupe, ndeshje keto qe jane shoqeruar me rivalitet dhe kane dhuruar shume emocione.
E para qe eshte zhvilluar ka qene finalja e grupmoshes U9 ne mes ekipeve Shpresa dhe Atletik. Fitues ne fund ka dale ekipi “Shpresa” me rezultatin 3-0, ekipi ky qe ka Armando Rrashketen.
Ne finalen e grupmoshes U11 jane ndeshur KF Murlani dhe Labeat. Ka fituar ekipi i Murlanit i drejtuar nga trajneri Suad Prençi me rezultatin e thelle 7-1.
Ndeshja me me shume emocione ka qene finalja e grupmoshes U17 ne mes FC Basania dhe KF Murlani. Koha e rregullt ka perfunduar ne barazim 1-1 dhe si rrjedhoje dy ekipet i jane drejtuar gjuajtjes se 11-metershave.
Pas gjuajtjes se tyre, KF Murlani eshte treguar me i sakte duke fituar 5-4 dhe duke fituar kesisoj kupen per kete grupmoshe.
Pas perfundimit te ndeshjeve eshte zhvilluar ceremonia e dorezimit ne kupave. Kane marre pjese perpos njeriut per te cilin u organizua kjo kupe, Ismet Hoxha, edhe figura te tjera te njohura te futbollit shkodran si Rauf Çanga, Ahmet Meta, Fatmir Paçrami, Lazer Matija, Elvin Beqiri, Edmond Doçi etj.
Ne fillim ka qene Hysen Zmijani qe i ka dhuruar Ismet Hoxhes fanellen e Vllaznise me numrin 13. Me pas ka patur diploma per ata qe kane kontribuar ne mbarevajtjen e kesaj kupe si Luis Jubani, Suad Ndruka dhe Suada Behri.
Organizatoret kane dhene diploma per trajneret me te disiplinuar e pikerisht per Ylad Pirani (Vllaznia U9), Erion Mandi (Atletik U11) dhe Vahedin Pepaj (Murlani U17).
Jane percaktuar edhe lojtaret me te mire te Kupes sipas grupmoshave te cilet kane qene Sergen Jakupi (Shpresa U9), Redion Haxhija (Murlani U11) dhe Jurgen Qemali (Murlani U17).
Pas dorezimit te diplomave dhe dhurateve per ekipeve e vendeve te dyta dhe pikerisht Atletik U9, Labeat U11 dhe Basania U17, momenti me interesant ka qene kur Ismet Hoxha u ka dorezuar kupat me emrin e tij fituesve dhe pikerisht ekipeve Shpresa per grupmoshen U9, Murlani per grupmoshat U11 dhe U17.
