Vllaznia do te jete e detyruar qe se paku ndeshjen e javes se 11-te te kampionatit, ate ndaj Bylisit, ta luaje jo ne Shkoder por ne nje stadium tjeter. Kjo per shkak te punimeve qe po behen ne kete impiant sportiv.
Idete me te mundshme per luajtjen e ketij takimi jane per ne Puke ose ne Laç, dy qytetet me te aferta me Shkodren, ndonese nuk perjashtohen edhe mundesi te tjera.
Por lajmi me interesant ka mberritur nga vendi fqinj, ose me sakte nga komuna shqiptare e Tuzit ne Mal te Zi. Ka qene presidenti i ekipit te ketij qyteti, “Deçiç”, pikerisht z. Pal Dreshaj, ai qe duke lexuar lajmin e publikuar ne “Shkodra Sport” mbremjen e sotme per mbylljen e stadiumit “Loro Boriçi” per nje muaj, ka bere nje oferte mjaft interesante.
“Nese FSHF lejon, Vllaznia i ka dyert e hapura te luaj ne Tuz ne fushen e futbollit KF Deciqi”- shkruan ai fillimisht. Kjo ka bere qe shume komente me pas ta pergezojne ate per nje propozim te tille dhe z. Dreshaj ka nderhyre serish ne faqen e “Shkodra Sport” duke bere edhe nje koment tjeter ku shkruan: “Klubi Vllaznia, do te ishte ndere dhe kenaqesi sikur te kishim rastin te jemi nikoqir i Juaj”.
Oferta e presidentit te Deçiçit mbetet interesante por rregullorja e FSHF-se duket se nuk lejon zhvillimin e nje ndeshje te kampionatit jashte territorit shqiptar.
www.shkodrasport.com
