Klubi i Ilirisë ka njoftuar në rrjetet sociale marrëveshjen me 5 futbollistë të rinj para pak çastesh. Fjala është për portierin Klevis Hasaj, mesfushorët Xheron Osma dhe Musa Yahaya.
Fushë-Kruajsit kanë zyrtarizuar edhe dy sulmues, Mohamed Fofana e Santiago Rodriguez. Kjo lëvizje masive ka si synim përforcimin e skuadrës për të arritur objektivin madhor, ngjitjen në Superiore.
Edhe pse e nisën sezonin me synimin madhor për të kapur elitën e futbollit shqiptar, në javën e fundit po përjetonë krizë të thellë rezultatesh, 4 humbje radhazi dhe vendi i 9-të në Kategorinë e Parë, madje në të tilla kushte, rrezikojnë rënien në Kategorinë e Dytë.
“Klubi i Futbollit dëshiron të njoftojë se ka arritur marrëveshje me 5 futbollistë të rinj, të cilët nga dita e nesërme do t’i bashkohen ekipit dhe do të jenë pjesë e skuadrës për vazhdimësinë e sezonit:
• Xheron Osma – 23 vjeç, mesfushor
• Klevis Hasaj – 17 vjeç, portier
• Mohamed Fofana – 25 vjeç, sulmues
• Santiago Rodriguez – 24 vjeç, sulmues
• Musa Yahaya – 28 vjeç, mesfushor
Klubi u uron mirëseardhje lojtarëve dhe suksese me fanellën tonë”- shkruhet në njoftimin e KF Iliria.
