Në përpjekjet për të ndërtuar një skuadër pretendente, te Dinamo përveç afrime ka edhe largime nga skuadra. Kështu, Ardit Toli është i larguari i radhës nga blutë. Ai ka mbyllur bashkëpunimin me “Blutë” pas vetëm 1 sezoni.
Largim i papritur, duke ditur se 27-vjeçari ishte pjesë e rëndësishme në formacionin e Ilir Dajës. Mungon ende zyrtarizimi i këtij largimi, gjë e cila pritet të ndodhë se shpejti.
Ndërkohë, Toli me shumë gjasa do të mbetet në Superiore. Është skuadra e Elbasanit që ka interes për shërbimet e tij dhe mes palëve kanë nisur edhe kontaktet e para. Ivan Gvozdenovic e pëlqen shumë dhe e shikon si pjesë të rëndësishme për sezonin e ri.
