Drejtori i Akademise Vllaznia Alban Neziri eshte i bindur se kuqeblute do te fitojne sot ndaj Dinamos dhe do ta sigurojne Europen edhe permes kampionatit.
Nje gje te tille ai e ka shprehur gjate nje deklarate te dhene per emisionin “Fair Play” ku ka evidentuar edhe faktin qe ne Superligen shqiptare gjeja me e mire eshte qe me ne fund po u besohet trajnereve te rinj.
“Me fitoren e Partizanit ne Kukes, gara per Europen eshte bere shume e bukur. Partizani ne keto javet e fundit po tregon se eshte nje ekip solid dhe ka merituar me shume sesa ka pike aktualisht. Une besoj se ky i sivjetmi eshte nder kampionatet me te forta te viteve te fundit sepse ekipet jane aty- aty me njeri- tjetrin.
Keto javet e mbetura besoj se do te na shoqerojne me sfida jashtezakonisht te forta, ndeshje me ritem dhe jam i mendimit se ne Europe do te shkojne ekipet qe e meritojne kete gje.
Sa i takon Vllaznise, vertete te gjithe ne Shkoder duan qe ajo te luaje bukur si sezonin e kaluar, por te mos harrojme se tashme duhen piket dhe ne loje jane vetem llogarite. Ajo qe dua te evidentoj eshte fakti qe ne kampionatin shqiptar po u besohet trajnereve te rinj.
Te jeni te bindur se trajneret e huaj nuk kane asgje me shume se trajneret tane. Dua te falenderoj presidentet e Vllaznise, Partizanit e Kastriotit qe u besuan Plorit, Mehmetit dhe Çeles.
Vllaznia eshte e fokusuar tek sfida e rradhes me Dinamon. Besoj se ne kemi me shume motiv se kundershtari per ta fituar kete ndeshje. Keto dy ndeshjet e rradhes jane shume te rendesishme per ekipin shkodran qe 100 per qind mendoj se do ta kape Europen edhe permes kampionatit, per te shkuar i qete ne finalen e Kupes dhe me deshiren per ta fituar per te dyten here rradhazi kete trofe.
Nje mbyllje me sukses e ketij sezoni do te ishte nje bonus edhe per trajneret qe po punojne aktualisht me Vllaznine, Plorin, Milotin e Lekiqin. Ata jane djem Shkodre, po bejne me te miren per kete Vllazni dhe shpresoj qe puna e tyre t’u shperblehet”- eshte shprehur ne fund te prononcimit te tij Alban Neziri./SHKODRA-SPORT.COM/
