Aktivizimi i plot 58 të huajve me Vllazninë në dekadën e fundit, pra nga viti 2010 deri pak ditë më parë, kuptohet që ka qenë i ekzagjeruar. Nga ky numër i stërmadh, vetëm pak prej tyre ndoshta kanë lënë gjurmë tek tifozët kuqeblu dhe mbase ato numërohen me gishtat e njërës dorë dhe ndoshta janë ato që shoqërojnë foton e këtij shkrimi.
Po cilat janë kombësitë e këtyre të huajve: Nga të dhënat që ka arritur të nxjerrë nga arkiva “Shkodra Sport”, konstatohet se “më të preferuarit” për drejtuesit shkodranë këto 10 vitet e fundit, kanë qenë futbollistët nga Mali i Zi.
Janë plot 15 lojtarë nga vendi fqinj që kanë veshur fanellën kuqeblu gjatë këtyre viteve. Duke filluar nga Mrvaljeviç, Rajoviç, Vujadinoviç, Gjokoviç, Petroviç, Popoviç, Jabllan, Brnoviç, Deliç, Vukçeviç, Dragojeviç. Agoviç, Cicmil, Rudoviç e Paviçeviç.
Në vend të dytë sa i takon numrit më të madh të lojtarëve që kanë luajtur për Vllazninë, është Kosova me 9 të tillë. Bëhet fjalë për Nallbanin, Leci, Kukaj, Rexha, Shala, Haxhaj, Ahmeti, Lushtaku e Hoxha, raporton “Shkodra Sport”.
Në vend të tretë për numrin e lojtarëve që kanë luajtur në Shkodër me kuqeblutë është Serbia me 6 lojtarë dhe pikërisht me Sead Haxhibuliç, Semir Haxhibuliç, Jovanoviç, Jasiç, Nikolin e Mehmedoviç.
Më pas vijnë Kroacia me 4 lojtarë (Jumiç, Vuk, Bushiç e ëeitzer) dhe Brazili po me 4 lojtarë (Junior, Hygor, Emerson e Wenderson).
Sipas “Shkodra Sport”, rradha vazhdon me futbollistët nga Nigeria që kanë luajtur me Vllazninë dhe që janë 3, përkatësisht Abraham, Orelesi dhe Eziamaka, e po ashtu 3 nga Maqedonia e Veriut, Berisha, Gligorov e Ristevski, për të vazhduar me 2 lojtarë nga Rumania (Dragoi dhe Ignat) si dhe 2 nga Argjentina (Sosa e Aguirre).
Nuk mungojnë edhe 2 futbollistë nga Italia (Campironi e Cioffi), nga Anglia (Feniks), nga Belgjika (Mulemo), nga Paraguaji (Santiago Martinez), nga Andora (Sergio Moreno), nga Moldavia (Cojocaru), ndërkohë që nuk mungojnë edhe futbollistët nga Gana (Atsina), nga Libani (Kdouh) dhe nga Uganga (Ualusimbi).
© shkodrasport.com
