Futbollistët shkodranë gjatë gjithë historisë së këtij sporti kanë qenë protagonistë kryesorë në vendin tonë. E jo vetëm me fanellën e Vllaznisë, por edhe duke përfaqësuar skuadra të tjera kanë arritur që të kenë sukses duke bërë emër në futbollin tonë. E tillë do jetë situata edhe në sezonin e ri, ku shumë futbollistë nga Shkodra do përfaqësojnë skuadra të tjera.
“Shkodra Sport” ka formuar një formacion me lojtarët nga Shkodra, që nuk do jenë pjesë e Vllaznisë në sezonin 2022-23. Duke filluar nga porta, ku Alen Sherri tashmë do jetë numëri 1 i Egnatias.
Mbrojtja e përbërë nga 3 futbollistë, Abdurrahman Fangaj gjithashtu shoqëron Sherrin tek Egnatia. Ndërsa dyshja e ardhuar nga Kategoria e Parë, Dritmir Beci (Erzeni) dhe Marcelino Preka (Bylis) përbëjnë këtë repart.
Në mesfushë dyshja shkodrane e Kastriotit ishte ndër më të spikaturat sezonin e shkuar. Edon Hasani dhe Abaz Karakaçi përbëjnë qendrën e këtij reparti.
Megjithëse për Hasanin ka ende paqartësi përsa i përket së ardhmes, ai ende nuk ka konfirmuar një largim nga krutanët. Po ashtu në mesfushë Uheid Hoxha që pritet tek Teuta dhe Eridon Qardaku i Bylis që sezonin e shkuar ishte golashënuesi më i mirë i Kategorisë së Parë.
Sulmi po ashtu është shumë cilëso ku shpejtësisë së Grudes (Teuta) i shtohen centimetrat, forca dhe golat e dyshes Rubin Hebaj(Teuta) dhe Jasmin Rraboshta (Erzeni). Një formacion plot me shkodranë, ku ka edhe të tjerë si: Ivziku, Trumçi apo Ymeri që do militojnë në Superligë ne sezonin që do stratojë në fundin e muajit gusht.
Endri ÇINARI
