Kaina largohet nga Vllaznia dhe bashkohet me Kastriotin. Sulmuesi brazilian ishte një nga afrimet e skuadrës shkodrane gjatë merkatos së verës, por u aktivizua shumë pak gjatë pjesës së parë të sezonit.
24-vjeçari luajti vetëm 3 ndeshje me Vllazninë, 2 në Superligë dhe një Kupë, ndërsa shënoi vetëm një gol.
Mungesa e hapësirave nga trajneri Brdaric kanë bërë që lojtari të largohet dhe dje u aktivizua me Kastriotin në miqësoren e fituar 1-0 ndaj Erzenit. Për momentin nuk ka ende një konfirmim zyrtar as nga Vllaznia, por as nga Kastrioti.
Me shumë mundësi, Kaina do të huazohet te krutanët për pjesën e mbetur të sezonit, pork jo ngelet për t’u konfirmuar pasi nuk përjashtohet mundësia që braziliani të ketë prishur me konsensus marrëveshjen me Vllazninë.
(Në rreth) Kaina me fanellën e Kastriotit në miqësoren e djeshme ndaj Erzenit
