Në dy miqësoret që ka zhvilluar deri më tani Vllaznia, pikërisht ndaj Buduçnostit të Podgoricës dhe Sutjeskës së Nikshiqit, nuk janë aktivizuar futbollistët brazilianë të ardhur në provë, pikërisht mbrojtësi i majtë Bruno Oliveira dhe mesfushori qendror Uellinton Gustavo.
Nga burime pranë stafit teknik mësohet se dy lojtarët kanë probleme fizike, pasi kanë ardhur të pastërvitur në Shkodër dhe kësisoj, aktivizimi i shpejtë i tyre do të rrezikonte dëmtime.
Shanse më të mëdha për të firmosur me shkodranët ka Gustavo, pasi cilësitë e tij janë pëlqyer. Ai ne fakt ka patur nje demtim te vogel ditet e fundit dhe prandaj nuk ka luajtur ne miqesoren e dyte.
Ndërkohë, vijon të jetë në provë edhe qendërsulmuesi Markovanbasten Çema, i cili ka qenë pjesë e Erzenit dhe Partizanit B së fundmi.
