Mançester Junajtid duket se ka rilindur plotësisht me ardhjen e Solskjaer në krye të stolit dhe duke parë formën e lojën që Junajtidi po bën, drejtuesit kanë vendosur që të mos lënë asgjë në dorë të rastësisë.
Tekniku norvegjez që fillimisht erdhi si trajner i përkohshëm te Mançesteri, ka vendosur për të ardhmen e tij dhe mesa duket, e ka harruar kontratën që kishte më parë.
Ai duhej që në qershor, të linte ‘Djajtë e kuq’ dhe të rikthehej te Molde duke qenë se marrëveshja ka qenë e tillë në fillim.
Mesa duket, gjithçka ka marrë një rrjedhë tjetër dhe tashmë Mançesteri është i gatshëm të paguajë Molden për shërbimet e Solskjaerit. Sipas tabloidit britanik, ‘The Sun’, anglezët janë të gatshëm të paguajnë 6 milionë euro për shërbimet e trajnerit.
Pak ditë më parë, vetë Solskjaer pranoi se do të vazhdojë me Mançesterin, duke shtuar se nuk ka më një kontratë me Molden. “Nuk e di si funksionon, por nuk mund të kem dy kontrata. Ajo me Molden është prishur dhe tani jam trajner i Mançesterit dhe dua të bëj sa më mirë punën time”, tha pak ditë më parë trajneri Solskjaer. /VipSport/
