Pas dy humbjeve rradhazi me Egnatian dhe Kastriotin, tifozët shkodranë janë sot të revoltuar së tepërmi me gjendjen aktuale. Ata kërkojnë shkarkimin dhe largimin e trajnerit Mirel Josa e poashtu edhe të drejtuesve të klubit, me në krye presidentin Alban Xhaferi.
Ndoshta, për të bërë krahasimin mes Vllaznisë së lavdishme dhe ekipit aktual që nuk ka asnjë lidhje me të, “Shkodra Sport” ka zgjedhur të risjellë disa vargje të pavdekshme të Pashko Vasës, “O moj Shqipni, e mjera Shqipni!”, me tifozët kuqeblu që i kanë modifikuar dhe përshtatur pak vite më parë, kur Vllaznia ra nga Kategoria Superiore. /Maringlen ZHIVANI/
Pra, mallkue njaj bir Shkodrani
që k’të Vllazni të Perëndis
trashigim që na e la i pari
trashigim s’ja len ai fmis
edhe atij ju thaft po kama
që përbuz k’të Vllazni hyjnore
që me skuadër t’huj lun kur s’asht nevoja
e Vllaznin e len mas dore
Pra, Shkodran, ç’do krahu t’jeni
nga malcia e k’tu n’qytet
Vllaznin tuj kurr mos ta lini
mos ta lini sa t’keni jetë.
