Çdo familje shqiptare, paguan 100 lekë në muaj për TVSH, kanalin kombëtar i transmetimit.
Jemi mësuar prej vitesh të tëra që të ndjekim ndeshjet e Kombëtares shqiptare të futbollit pikërisht në TVSH, falas, ose më saktë, me taksat tona, atë 100 lekësh që e paguajmë muaj për muaj.
Por ky transmetim, do të ndërpritet pikërisht në ndeshjen e nesërme, kur Shqipëria do të luajë në transfertë kundër Islandës.
Nisur nga programacioni i ditës së nesërme në RTSH, nuk figuron askund ndeshja e Kombëtares së Shqipërisë kundër Islandës, madje, gjatë gjithë këtyre ditëve kanë munguar edhe promot e reklamat për sfidën e shumëpritur të kuqezinjve.
Sfida mes Islandës dhe Shqipërisë, do të luhet nesër në orën 20:45, por shqiptarët do të jenë në “terr”, pasi deri më tani, RTSH nuk do ta transmetojë për taksapaguesit.
Larmishmëria e programeve të RTSH nuk mungon në orarin kur shqiptarët, duhet të shohin Kombëtaren e tyre…
Në rast se nuk ka ndryshime gjatë 24 orëve të ardhshme dhe RTSH ta transmetojë sfidën e Kombëtares në kanalin kombëtar të taksapaguesve, do të ishte një padiskutim skandal dhe hera e parë që ndodh në histori./NEWSPORT/
