Vllaznia të mërkurën do të luajnë në transfertë ndaj Kastriotit, takim i cili do të luhet në stadiumin e Kamzës.
Edhe për këtë ndeshje stafi teknik nuk do ta ketë të plotë grupin. Shkodranët vijnë me një mungesë me peshë në këtë takim, pasi mbrojtësi Mevlan Adili është i pezulluar.
Ndaj Bylisit mbrojtësi u ndëshkua me karton të verdhë, që është i katërti në 6 javë, kështu që humbet sfidën me krutanët.
Mbetet për të parë edhe situata e riaftësimit të sulmuesit Da Silva.
