Juventusi nuk ndalet në merkato. Pas afrimit të Ramseit, Bufonit, Rabiotit dhe Demirelit, kampionët në fuqi të Italisë do të zyrtarizojnë shumë shpejt edhe mbrojtësin Kristian Romero.
Ish-futbollisti i Xhenoas, ka mbërritur në selinë e klubit bardhezi për të kryer vizitat mjekësore, teksa më pas do të vijë edhe zyrtarizimi.
21-vjeçari, do të firmosë një kontratë 5-vjeçare, teksa kartoni i argjentinasit do t’i kushtojë Juventusit plot 20 milionë euro.
Romero do të qëndrojë i huazuar te Xhenoa edhe këtë sezon, për shkak të mungesës së hapësirave në skuadrën bardhezi. Mbrojtësi u aktivizua 27 takime në sezonin e kaluar, teksa realizoi 2 gola dhe 2 asist.
