Besëlidhja është një skuadër aktive në Kategorinë e Parë, me lezhjanët që nuk dorëzohen për të realizuar synimin që kanë këtë sezon për të qenë në dy vendet e para në Grupin A të Kategorisë së Parë.
Por, lezhjanët kanë larguar tre lojtarët serbë dhe bëhet fjalë për portierin Vukashinoviç, Dimitrie Çokiç, si dhe Milan Çokiç. Por në Lezhë janë bërë edhe afrime, madje me lojtarë serbë, të cilët kanë ardhur në provë që në dhjetorin e kaluar.
Bëhet fjalë për serbët Marko Milovanoviç, Nikola Milanoviç, David Angjelkoviç si dhe janë rikthyer Redon Danaj si dhe Ruben Danaj, dy lojtarë që luajnë në sulm dhe që në sezonin e shkuar kanë qenë pjesë e skuadrës së Shënkollit në Kategorinë e Parë.
Me këto lëvizje, skuadra lezhjane synon që të bëj realitet objektivin sezonal, që është ngjitja te më të mirët e futbollit shqiptar…/vipsport/
