Vllaznia do te luaje diten e shtune ndeshjen ndaj Egnatias. Kjo eshte ndeshja e katert mes dy skuadrave, mund te konsiderohet edhe si takimi i revanshit per Vllaznine.
Revanshi eshte per faktin se kuqeblute kete sezon nuk e kane fituar asnje ndeshje ndaj rrogozhinasve dhe me Egnatian duan patjeter te fitojne. Nga ana tjeter, perveç revanshit skuadres se Vllaznise, i duhen edhe tri piket.
Dy ndeshjet e pare u mbyllen ne barazim 1-1, si ne Rrogozhine, ashtu edhe ne Shkoder. Nderkohe, ndeshja e trete eshte mbyllur me humbjen e Vllaznise, 3-0.
Pikerisht ne kete te fundit debutoi trajneri Elvis Plori i cili e nisi me humbje, nderkohe qe per koincidence, po ndaj Egnatias do te debutoje trajneri Mirel Josa i cili mendon qe ta nise me kembe te mbare.
Kuptohet qe nuk do te jete e lehte, megjithate ne kampin shkodran ka besim se mund t’ia dalin t’i mundin rrogozhinasit dhe nese ndodh kjo, do te jete fitorja e pare ndaj tyre kete sezon.
Maringlen ZHIVANI
