Një rast unik ka ndodhur në kampionatin italian të futbollit. Në ndeshjen e kësaj jave mes Xhenoas dhe Lazios, sulmuesi maqedonas, Goran Pandev, ka provuar me eksperiencën të fitojë një 11-metërsh duke simuluar në zonë por pa ia arritur qëllimit.
Ndërkohë, edhe arbitri i takimit vendosi të mos merrte asnjë masë ndëshkuese ndaj futbollistit duke vazhduar normalisht lojën.
Mirëpo, nëse arbitri vendosi të mos merrte masa për veprimin e Pandev në zonë, ky aktrim i sulmuesit nuk i ka shpëtuar gjykatësit sportiv në Itali, i cili në bazë të pamjeve filmike ka vendosur të dënojë gjestin e 35-vjeçarit duke e detyruar të paguajë një gjobë prej 2000 eurosh.
Një vendim që me shumë mundësi do të krijojë precedentë të tjerë pas tij, por do të ulë gjithashtu edhe numrin e simulimeve në zonë nga ana e sulmuesve që gjithnjë priren të përfitojnë në duelet me mbrojtjen kundërshtare. /VipSport/
