Dy ndeshjet e para të Superiores për vitin 2022 nuk kanë prodhuar gola, por kanë krijuar një lëvizje minimale të skuadrave në tabelë që mund të krijojë dinamika interesante për kampionatin.
Në luftën për kreun, barazimet e sotme nuk kanë ndryshuar asgjë në raportin e Tiranës kryesuese me ndjekësit e Vllaznisë apo Laçit.
Por kjo ndalesë e bardhebluve padyshim që i shkon për shtat ekipit të Kukësit, i cili do të luajë në mesjavë dhe në rast fitoreje, do të ngushtojë diferencën me vendin e parë dhe do të jetë edhe më shumë e përfshirë në garën për titullin.
Ndërkaq, në fundin e tabelës, pika i shkon për shtat Skënderbeut në luftën për mbijetesë, pasi e sheh të bëjë një tjetër hap ndaj rivalëve direkt në renditje.
