Mesfushori Arda Turan ka folur në lidhje me ish-trajnerin e tij Diego Simeone. Turku u shpreh se e priste kualifikimin e skuadrës spanjolle përpara Liverpoolit. Ai mendon se tekniku nuk dorëzohet kurrë.
“Tek Atletico, Koke është lojtar shumë i rëndësishëm. Ai menaxhon situata të vështira tek Atletico dhe është lider. Jam impresionuar nga rritja e tij”.
Nuk mund të mungonte komenti i Arda Turan dhe për ish-tekniku Diego Simeone. “Të dy Fatih Terim dhe Diego Simeone janë trajnerë shumë specialë. Cholo nuk dorëzohet kurrë. Ai është një person lider dhe i mbushur me energji. Ai transmeton idenë e tij te lojtarët dhe e bën në mënyrë shumë impresionuese”.
