Tjetër bashkëpunim i nisur nga Shoqata Rajonale e Futbollit Shkodër. Pas atij me Zyrën Arsimore Vendore, sot drejtuesit e saj kanë arritur marrëveshje me një tjetër partnet. Bëhet fjalë për Shoqatën “The Door Albania”, me të cilën mesa duket do të bashkëpunohet për krijimin e grupit të vullnetarëve.
Një gjë e tillë bëhet e ditur përmes një postimi të shpërndarë nga vetë Shoqata Rajonale e cila në faqen e saj shkruan:
“Me shumë kënaqësi zyrtarizojmë një tjetër bashkëpunim të rëndësishëm!
Në kuadër të krijimit të grupit të vullnetarëve dhe forcimit të bashkëpunimit me institucionet partnere, Shoqata Rajonale e Futbollit Shkodër ka nisur bashkëpunimin me z. Kastriot Faci, administrator i NN The Door Albania.
Ky partneritet është një hap i rëndësishëm për të fuqizuar aktivitetet tona dhe për të krijuar më shumë mundësi për të rinjtë në komunitet Së bashku për më shumë zhvillim, energji dhe pasion për futbollin!”
