Edon Hasani po stërvitet në mënyrë individuale në kryeqytet nën mbikëqyrjen e trajnerit Roland Peqini. Mesfushori shkodran prej muajsh qëndron jashtë fushës së blertë pas ndërhyrjes kirurgjikale në gju.
Prej kohësh ka nisur fazën e riaftësimit, ndërsa së fundmi ka filluar vrapimet dhe lëvizjen me top. Në një foto të postuar nga Roland Peqini bie në sy komenti i Gerd Haxhiut.
Ky i fundit i thur elozhe shkodranit duke shkruar: “Edoni, një nga lojtarët më të mirë të dekadës së fundit”.
Kujtojmë që në sezonin që lamë pas, Edon Hasani ishte pjesë e Ankara në kampionatin turk, por dëmtimi në gju e penalizoi duke e lënë shumë kohë jashtë fushës së blertë.
Ai është rikthyer në Shqipëri dhe në ditët në vijim pritet të shihet se ku mund të jetë e ardhmja e tij. Në fillim të muajit shkurt, 28-vjeçari do të jetë i gatshëm për të dhënë kontributin e tij në fushë./newsport/
