Vllaznia ne atletike prej me teper se nje dekade vazhdon te beje ligjin ne kete sport me ekipin e meshkujve teksa ka fituar 13 tituj kampion rradhazi dhe sivjet do te synoje edhe te 14-tin, por nga ana tjeter largimet e sportisteve cilesore prej saj vazhdojne.
Nje eksod i cili nuk po ndalet dhe kjo padyshim qe ka vene ne dileme stafin e trajnereve i cili duhet te punoje fort per t’i zevendesuar ato qe po largohen.
Duke folur ne lidhje me kete teme, kryetrajneri i ekipit te Vllaznise Albert Marashi eshte shprehur: “Ky eshte nje fenomen qe po vazhdon prej 10 vitesh. Ne çdo vit na largohen sportiste shume cilesore, kampione e rekordmene dhe kjo krijon probleme.
Vitin e kaluar na u largua kampioni i garave te shpejtesise Daniel Guri dhe po ashtu, edhe kampioni i Ballkanit U20 Heldi Valikaj i cili ka shkuar per studime ne Amerike. Nuk eshte aspak e lehte te zevendesosh sportiste te tille, megjithate bashke me koleget e mi Rrotani, Tafa e Jahja po bejme me te miren e mundshme per t’i zevendesuar ato dhe Vllaznia eshte vertete burim talentesh.
Ne e nisem mire edhe vitin 2022 duke nxjerre 5 kampione ne garat e kampionatit individual dimeror dhe besoj se edhe ne garat e ardhshme do te vazhdojme te kemi suksese. Objektivi eshte fitimi i titullit te 14-te kampion rradhazi dhe besoj se do ia dalim”./SHKODRA-SPORT.COM/
