Ish-sulmuesi i Kukësit, Vasil Shkurtaj, që tashmë aktivizohet në kampionatin kinez ka zbuluar një prapaskenë në kohën që u largua nga Kukësi.
Ai tha në emisionin “Zona Gol” se Vllaznia i bëri ofertë, por kjo nuk mund të realizohej sepse kishte rënë dakord me ekipin kinez.
“Pas Kukësit kisha ofertë nga Vllaznia, edhe e vlerësoj goxha por kisha rënë dakord me ekipin kinez”, tha Shkurtaj.
Sulmuesi tha se nuk e ka ndjekur shumë kampionatin shqiptar, por shprehu vlerësimin për Vllazninë, që përveçse kryesojnë kampionatin po zhvillojnë edhe një futboll shumë të bukur.
“Nuk e kam ndjekur shumë por dëshira për ta parë ka qenë shumë e madhe. Kam parë disa ndeshje dhe rezultate. Vllaznia po luan shumë mirë, përvec se janë të parët në kampionat, po luajnë edhe shumë mirë. Kukësi me shumë lojtarë të rinj nuk e filloi mirë kampionatin, por u duhej kohë dhe tani kanë më shumë vetëbesim”, tha sulmuesi./newsport/
