Rubin Hebaj vazhdon momentin e tij magjik në kampionatin e Uzbekistanit. Sulmuesi shkodran, që u bashkua me Sogdiana-n gjatë merkatos së verës, ka gjetur sot dy herë rrugën e rrjetës, duke çuar në pesë numrin e golave me fanellën e klubit të ri në vetëm dhjetë ndeshje të luajtura.
Në sfidën e sotme ndaj Qizilçum-it, Hebaj zhbllokoi rezultatin në minutën e 34-t, duke finalizuar me klas një kundërsulm të shpejtë dhe duke dyfishuar avantazhin e skuadrës së tij.
SHIH VIDEON
Por festa nuk u ndal këtu. Në pjesën e dytë, shkodrani i vuri vulën rezultatit 3-0, me një gjuajtje të saktë në kufijtë e zonës në minutën e 53-të.
SHIH VIDEON
Falë kësaj dopiete, Hebaj konfirmon formën e shkëlqyer që po kalon këtë sezon, ku ka realizuar 7 gola gjithsej në kampionatin e Uzbekistanit – përfshirë edhe periudhën kur ishte pjesë e Nasaf Qarshi-t.
Ish- futbollisti i Vllaznisë po tregon se di të shkëlqejë edhe jashtë kufijve, duke u bërë një nga sulmuesit më produktivë të ligës aziatike.
