Vllaznia ka fituar me rezultatin e thellë 7-0 me ekipin e Ribnicës në miqësoren e luajtur pasditen e sotme në Ulqin. Por kjo fitore do të thotë se mund të jetë një tregues për kthesën e skuadrës shkodrane. Megjithatë e përgjithshmja është positive në këtë test të parë të trajnerit të ri Artan Bushati në krye të saj. Ndeshja është luajtur pasditen e djeshme në një nga fushat e kompleksit “Olimpik” në Ulqin. Kishin udhëtuar për atje edhe presidenti I ardhshëm I Vllaznisë Agron Çela bashkë me drejtuesit aktualë të klubit. Trajneri Bushati e nisi ndeshjen me këtë formacion: Gjokoviç, Smajli, Semina, Belisha, Begaj, Hajdari, Tafili, Nallbani, Dragoi, Deliç e Rexha. Pjesa e parë është mbyllur 3-0 me gola të shënuar nga Rexha në minutat 19 e 32 si dhe Hajdari në 26-tën minutë. Smajli ndërkohë ka humbur një 11-metërsh në këtë pjesë. Në pjesën e dytë janë aktivizuar futbollistët e tjerë dhe pikërisht portieri Hallunaj, Bardulla, Kruja, Dema, Gjini, Guri si dhe gjashtë futbollistët e ardhur në provë pikërisht malazezin Neleviç, tre serbët Luçiç, Vujaklija e Vllahoviç, lojtarin nga Etiopia Karfonia dhe shkodranin e ardhur nga Kanadaja Ferhati.Janë shënuar katër gola në këtë pjesë nga Gjini në minutat 65 e 72, Ferhati në minutën e 70-të dhe Guri në minutën e 75-të. Nga gjashtë lojtarët e ardhur për provë, asnjëri prej tyre sipas trajnerit Bushati nuk e ka kaluar provën. Nga ana tjetër ka qenë i pranishëm mbrojtësi Tefik Osmani dhe me shumë mundësi brenda dy ditësh ai do mbyllë problemet me Vllazninë dhe do kthehet në stërvitje me të.www.shkodrasport.com
