Duke filluar nga ora 16:45, Vllaznia do të presë Kastriotin në “Loro Boriçi” në një sfidë mjaft delikatë për të dyja ekipet.
Vllaznia vjen pas një fitore bindëse 6-1 ndaj Pogradecit në Kupë, por në kampionat shkodranët nuk gjejnë rrugën e fitores prej 3 ndeshjesh.
Ndërsa as Kastrioti nuk po kalon një moment të mirë, pasi rezultateve negative në kampionat iu bashkua dhe eliminimi nga Kupa nga Flamuratari. Para ndeshjes, Ndreu është shprehur se krutanët nuk do të dalin pa pikë nga kjo sfidë, që pritet të dhurojë spektakël.
Sa i përket formacioneve, Brdariç i ka besuar raportin ofensiv dy lojtarët e momentit Zinedine Mustedanagiç dhe Ante Aralica, ndërsa titullar do ta nisë dhe Liridon Latifi që mesa duket është “falur” nga trajneri Brdariç. Ndërsa sa i përket Kastriotit, Ndreu ka bërë mjaft ndryshime nga sifdat e tjera duke rreshtuar skuadrën si më poshtë.
LIVE| VLLAZNIA-KASTRIOTI 2-0
Aralica 10′ , Hoxhaj 19′
