Vllaznia ka nisur përgatitjet për takimin ndaj Laçit, që do të luhet në transfertë të shtunën në orën 13:45. Trajneri gjerman, Tomas Brdariç, kërkon përqendrim maksimal nga lojtarët, për të lënë pas festimet e fitores së fundit.
Përveç sulmuesit Ismail Dunga, i cili është ende në Kenia dhe do të mungojë ndaj Laçit, e gjithë pjesa tjetër e skuadrës është e plotë dhe nuk ka as lojtarë të dëmtuar dhe as të pezulluar për kartonë.
Interesant është fakti se shkodranët luajnë në një fushë ku janë mundur sistematikisht në këto 6 sezonet e fundit.
Fitorja e fundit e Vllaznisë në Laç daton që më 23 mars 2014 me shifrat 0-2, ku vendosnin golat e Arsid Krujës dhe Ndriçim Shtubinës në pjesën e parë.
