Vllaznia ka marre nje lajm shume te mira ne prag te ndeshjes se rradhes, asaj me Bylisin. Diten e sotme i gjithe ekipi dhe jo vetem ai jane njoftuar nga administrata e klubit per t’iu drejtuar bankes per te marre rrogat.
Padyshim qe ky ka qene nje lajm vertete i mire qe ka gezuar futbollistet dhe stafin teknik dhe qe do t’i motivoje edhe me shume ata per te bere mire edhe ne te ardhmen, duke pare edhe korrektesine e klubit ne kete drejtim.
Por nuk kane qene vetem pjestaret e ekipit te pare qe jane gezuar. Te njejtin lajm kane marre edhe trajneret e Akademise Vllaznia qe kishin disa muaj pa u paguar dhe po ashtu edhe administrata dhe punonjesit e terreneve sportive. Keta te fundit madje pak kohe me pare paten dale ne nje reagim publik bashke me drejtues te Sindikatave per te apeluar per mungesen e rrogave.
Siç u pat thene edhe atehere nga ana e klubit, problemi ka qene kthimi i nje fondi nga ana e Prefektit dhe tashme kjo procedure u zhgjidh pas miratimit te fondit prej 200 milione lekesh nga Keshilli Bashkiak pak kohe me pare.
Me kete fond, eshte bere pagesa e rrogave te prapambetura te te gjithe klubit dhe po ashtu edhe shlyer edhe nje pjese e detyrimeve tatimore. Per rrjedhoje, tashme mund te thuhet me plot gojen se gjithçka eshte normalizuar sa i takon situates financiare ne klubin shkodran dhe padyshim qe kjo do te ndikoje per mire ne ecurine e metejshme.
www.shkodrasport.com
