Tek Vllaznia kanë menduar që skuadra të punojë në qetësi në pragndeshjen me Teutën. Si rrjedhojë, drejtuesit e klubit në bashkëpunim edhe me stafin teknik kanë vendosurr që skuadra të largohet nga qyteti dhe ndyshe nga herët e tjera të qëndrojë gjatë të gjithë javës e grumbulluar.
Për këtë arsye është zgjedhur Velipoja si destinacioni i saj. Skuadra që prej pasdites së djeshme ka “braktisur” Shkodrën dhe është sistemuar në bregetin e Adriatikut, pikërisht në Hotel “Margjokaj”.
Nga ana tjetër, edhe stërvitjen janë duke e zhvilluar atje, pikërisht në fushën sportive “Adriatik”. Kuptohet që gjendja e saj nuk është në më të mirën e saj për shkak të reshjeve të shiut, por gjithsesi është shumë e pranushme dhe ndoshta për momentin është fusha me gjendjen më të mirë në Shkodër.
Mendohet që skuadra të qëndrojë në Velipojë deri ditën e shtunë kur dhe do të marrë rrugën drejt Durrësit për ndeshjen ndaj Teutës. Gjendja e futbollistëve duket e mirë dhe të gjithë janë të bindur se janë mundësitë për të marrë edhe një tjetër rezultat pozitiv.
