Tek Vllaznia priten zhvillime në ditët e ardhshme por ndërkohë nuk mungojnë planet e trajnerëve- kandidatë për pankinën e kësaj skuadre.
Edi Martini, Ervis Kraja, Asim Gjokoviç e ndonjë tjetër, e kanë shfaqur hapur dëshirën e tyre për t’u bërë trajner të ekipit shkodran.
Secili premton natyrisht rikthimin e kësaj skuadre në elitën e futbollit shqiptar.
Shumë interesant propozimi I shqiptaro- malazezit Gjokoviç që përveç ka provuar të shpallet kampion me ekipin shkodran, tashmë shpreh dëshirën për t’u bërë edhe trajner I tij.
Madje duke premtuar se do ta shpallte atë kampion duke qenë 20 pikë përpara ekipit të vendit të dytë dhe nëse nuk e realizon këtë gjë, nuk do asnjë lekë nga drejtuesit e klubit.
Nga ana tjetër, Edi Martini dëshiron të nisë aventurën e dytë të tij në pankinën e Vllaznisë dhe është I bindur se mund t’ia dalë.
Por ndërkohë Ervis Krçështja eaja e konsideron veten ende në detyrë ngaqë e ka drejtuar atë në dy ndeshjet e fundit të sezonit të kaluar.
Për më tepër që është ende nën kontratë me klubin. Padyshim që çështja e trajnerit është e rëndësishme por nuk ështe e para që kërkon të marrë zgjidhje.
Përpara saj pritet që të zgjidhet çështja e Këshillit Mbikëqyrës, e administratorit dhe e drejtorit sportiv.
Planet e drejtuesve të lartë të klubit janë të qarta megjithatë duhet pritur edhe pak ditë për të nisur nga konkretizimi I këtyre lëvizjeve.
E rëndësishme është që Vllaznia jo vetëm që të rikthehet sa më parë në Superligë por njëkohësisht të hidhen dhe themelet për skuadrën e sezonit tjetër pastaj që ekipi të jetë rivalizues edhe në kategorinë superiore.
www.shkodrasport.com
