Granit Xhaka vendosi të qëndrojë përfundimisht tek Arsenal duke i mbyllur derën e transferimit Zhoze Murinjos që kërkoi ta transferonte tek Roma gjithë merkaton e verës.
Ditën e sotme, Xhaka zbriti titullar në fushë në sfidën kundër Mançester Siti, por gjithçka shkoi ters për mesfushorin shqiptar. Në minutën e 35-të të takimit Xhaka u largua me karton të kuq pas një faulli të rëndë më mesfushë, duke lënë Arsenalin me 10 lojtarë.
I menjëhershëm ishte reagimi i mesfushorit që kundërshtoi ashpër arbitrin për vendimin, por nuk kishte kthim prapa. I nervozuar u pa dhe trajneri Arteta i cili ka pësuar humbje në dy sfidat e para të kampionatit dhe gjithçka po shkon ters te Arsenali.
