Starton kampionati i femrave. Vllaznia synon titullin e katërt

Do të startojë më në fund kampionati kombëtar i futbollit të femrave. Kjo gjë do të ndodhë këtë të shtunë. Kështu ka vendosur Federata Shqiptare e Futbollit e cila ka përcaktuar edhe kalendarin e tij tashmë. Kampionati i sivjetëm është i teti për këtë kategori teksa kampionatin e parë e ka fituar ekipi Tirana AS, më pas, tre tituj i ka marrë Ada e Velipojës, që më pas mori emrin Vllaznia dhe me këtë emër, ka fituar edhe tre tituj të tjerë.

Alma Hilaj nga JUban Danja, kapitene tek Fiorentina

Kanë nisur edhe lëvizjet e para të futbollisteve femra të Shqipërisë drejt kampionateve më të forta të Europës. Alma Hilaj, vetëm 16 vjeçe, ka pak kohë që ka lënë ekipin e saj që e ka formuar, "Juban Danjen" dhe ka udhëtuar drejt Italisë bashkë me familjarët e saj. Kësaj futbollisteje të talentuar i kanë mjaftuar vetëm pak kohë që të njihet me ambjentin dhe njerëz të ndryshëm i kanë rekomanduar aktivizimin me ekipin e futbollit të femrave të Fiorentinës. Ajo ka nisur stërvitjen me ekipin U-17 dhe trajnerit të tij, i kanë mjaftuar vetëm pak ditë stërvitje për të parë tek Hilaj vlerat dhe autoritetin e një lojtareje me shumë cilësi e për këtë arsye, i ka dhënë edhe shiritin e kapitenes.

Historike: Juban Danja, 10 vjet më parë krijohej ekipi i parë i femrave

Sot bëhen plot 10 vjet. Pikërisht nga momenti kur Ferdinand Jaku, ideuesi dhe themeluesi i këtij ekipi, bashkë me një të afërm të tij, Marin Jakun, do të krijonin të parin ekip të futbollit të femrave në Shqipëri. Ishte 6 shtatori i vitit 2005, një datë që do të hynte në historinë e këtij futbolli në vendin tonë. Atëherë nisi thjesht si pasion por që më pas do kthehej në "sëmundje" për Fredin dhe shumë të tjerë. Dhe jo më kot, sot në Shqipëri ekzistojnë plot 12 ekipe femrash. Por para 10 vitesh ishte një tabu që femrat të luanin futboll. Ferdinand Jaku, një njeri i apasionuar pas sportit dhe një tifoz i zjarrtë i Vllaznisë, ndonëse punonte në Spitalin Rajonal të Shkodrës si kryeinfermier, nuk mund të hiqte nga sporti dhe pranë shtëpisë së tij në fshatin Juban, vetëm 5 km larg qytetit, do të ndërtonte një fushë kalçetoje.

Vllaznia e femrave merr edhe portieren e kombëtares së Maqedonisë

Vjet mori portieren e kombëtares së Greqisë ndërsa sivjet, kampionia e Shqipërisë në futbollin e femrave- Vllaznia, ka zgjedhur të marrë portieren e kombëtares së Maqedonisë si përforcim për ndeshjet e Ligës së Kampioneve. Presidenti i këtij ekipi Lazer Matija ka bërë kësisoj realitet edhe përforcimin e pestë në prag të këtyre përballjeve shumë të rëndësishme. Ajo është Frosko Kostova. Dje ajo ka mbërritur në Shkodër dhe është bashkuar me ekipin në stërvitje duke u konsideruar kësisoj një përforcim shumë i rëndësishëm për Vllazninë ngaqë ajo kishte nevojë për një portiere cilësore. Me marrjen edhe të kësaj portiereje, skuadra tashmë është kompletuar në të gjitha repartet dhe duket më e vendosur se kurrë për arritjen e objektivit historik, kalimit të turit të parë të Ligës së Kampioneve.

Vllaznia për femra tjetër fitore. Titulli tashmë vetëm formalitet

Vllaznia në futboll për femra është shumë pranë shpalljes zyrtarisht kampione e Shqipërisë për sezonin 2014- 2015. Ajo pret vetëm sigurimin nga ana matematike të këtij titulli. Mesditën e së shtunës vajzat kuqeblu kanë fituar ndeshjen e rradhës ndaj ekipit të Kinostudios me rezultatin 4-1. Autore të golave për ekipin shkodran kanë qenë Megi Doçi që ka shënuar tre gola si dhe Esmeralda Franja.Trajneri i këtij ekipi Selami Pepaj në një intervistë për televizionin Rozafa ka thënë se fitorja duhej të ishte edhe më e thellë megjithatë e rëndësishme është që titulli kampion tashmë është një formalitet.

Vllaznia për femra mund 12-1 Kinostudion. Rradha e Kukësit

Vllaznia në futboll për femra e ka fituar ndeshjen e parë të turit final të Kupës së Shqipërisë me rezultatin e thellë 12-1 ndaj ekipit të Kinostudios. Ndeshja është luajtur pasditen e së martës në Kamzës dhe është dominuar në të gjitha drejtimet nga vajzat shkodrane. Autore të golave kanë qenë Xhenetë Kastrati 3 gola, Govori 2, Doç 2, Jashari 2, Fitore Kastrati 2 dhe Berisha e Baro nga një gol.

Vllaznia për femra, gati për finalet e Kupës së Shqipërisë

Vllaznia në futboll për femra është duke u përgatitur për ndeshjet finale të Kupës së Shqipërisë. Sivjet, siç është bërë e ditur, në turin final të kësaj veprimtarie janë tre skuadra pjesmarrëse teksa përveç asaj shkodrane janë edhe ato të Kukësit dhe Kinostudios. Këto dy të fundit,pasditen e së shtunës kanë zhvilluar ndeshjen e parë ku kanë fituar vajzat kukësiane me rezultatin 3-1.

Juban Danja fitore të thellë, AAS humbet sërish

Një fitore shumë të thellë ka arritur Juban Danja në ndeshjen e djeshme ndaj Shkëndisë së Durrësit, fitore kjo që do t’i shërbejë asaj si parapërgatitje për sfidën e javës së ardhshme me Kukësin. Përballë durrsakeve, vajzat e drejtuara në fushë dhe në pankinë nga Emanuela Jaku, kanë sigluar në fund të takimi fitoren e thellë 8-0. Skuadra shkodrane ka shënuar nga 4 gola në secilën pjesë duke mundur kësisoj me këtë rezultat kundërshtarin.

Juban Danja, goleadë në Fier. Trajnerja- lojtare shënon 4 gola

Juban Danja ka arritur një fitore shumë të thellë ditën e djeshmë në ndeshjen e luajtur në Fier ndaj Apolonisë me rezultatin 10-0. Duket se vajzat jubanase kanë reaguar pas humbjes me The Door dhe barazimi me Tirana AS ne ndeshjet e fundit dhe këtë herë kanë treguar vlerat e tyre të vërteta. Vetëm pjesa e parë ka patur disi rivalitet në përballjen e djeshme me fieraket që gjithsesi është fituar nga miket me rezultatin 3-0 ndërsa në të dytën ato kanë shpërthyer duke shënuar edhe 7 gola të tjera.

Vllaznia e The Door, fitore të thella në transfertë

Dy ekipet e tjera te futbollit të femrave të Shkodrës, pikërisht Vllaznia e The Door, ndonëse kanë luajtur edhe ata dje në transfertë, kanë arritur të fitojnë ndaj kundërshtareve të tyre madje me rezultate të thella. Kështu, Vllaznia ka luajtur në Kamëz ndaj ekipit të Kinostudios që mbante vendin e tretë në renditje dhe në njëfarë mënyre ishte rival me vajzat kampione. Por në fushë, ka qenë tjetër gjë.

error: NDALOHET KOPJIMI DHE PËRDORIMI I PA-AUTORIZUAR