Ne vite volejbolli shkodran ka patur pjese te tij shume emra te rendesishem te cilet me lojen e tyre kane lene gjurme ne historine e ketij sporti.
Ne pamje te pare jemi fokusuar kryesisht tek emrat e para viteve ’90, por ne fakt kurrsesi nuk mund te anashkalojme edhe keto te viteve te fundit, te cilet edhe ata po japin kontributin e tyre te rendesishem per kete sport.
Dhe njeri prej me te mireve te ketyre viteve eshte padyshim Ditmir Rrashketa. U ndalem sot tek ky personazh sepse eshte nje dite e veçante. Ai mbush 30 vjeç dhe me kete rast gazeta “Shkodra Sport” i uron edhe 100 vite te tjera te lumtura!
Rrashketa ka lindur ne Shkoder me 7 tetor 1990 dhe do te angazhohej shpejt me sportin e volejbollit duke spikatur menjehere per talentin e tij. Nis te luaje me te rriturit e Vllaznise dhe aty dallohet duke bere qe drejtuesit e Studentit ta marrin menjehere ne Tirane dhe me kete skuader do te shpallej 4 here rresht kampion i vendit.
Ne vitin 2015 vendos te rikthehet te Vllaznia dhe ne sezonin 2016-2017 i dhuron kesaj skuadre dhe ketij qyteti nje gezim te madh sepse kuqeblute do te shpalleshin per here te pare kampione te Shqiperise, nen drejtimin e trajnerit Mark Kroqi.
Dhe Ditmiri do te kishte nje pjese te konsiderueshme tek ky sukses dhe per me teper, do te ishte ai njeriu qe do te ngrinte i pari lart trofeun ngaqe ishte kapiteni i ekipit.
Ai vazhdon te luaje e te kontribuoje per Vllaznine me shpresen per t’i dhuruar edhe ndonje trofe tjeter, megjithate fale ketij kontributi te dhene per kete ekip, Bashkia Shkoder dhe SK Vllaznia vitin e kaluar e kane vleresuar ate si nje nga volejbollistet me te mire te shekullit ne kuadrin e festimeve per 100 vjetorin e ketij klubi./SHKODRA-SPORT.COM/
