Laçi-Skëndërbeu është përballja e parë e ditës së sotme, që zhvillohet në orën 13:45, në stadiumin e Laçit.
Një duel i veçantë ky për trajnerin Mirel Josa, që debuton sot kundër ish-ekipit të tij, ku u shpall 4 herë kampion rresht.
Laçi pas fitores me Egnatian do kërkojë vazhdimësinë, për të nisur gjithashtu me këmbë të mbarë edhe tekniku Josa.
Nga krahu tjetër skuadra e korçarëve do të kërkojë fitoren e parë në këtë sezon, me skuadrën e Migen Memellit që do të duhet të bëjë llogaritë pa dy lojtarë të rëndësishëm.
Kapiteni i skuadrës Vangjel Zguro nuk do të jetë gati për sfidën e sotme, shkak një shqetësim në kavilje, ndërsa Berisha është lojtari i pezulluar për shkaqe disiplinore.
Të dy trajnerët kanë menduar edhe lojtarët që priten t’iu besohet sfida e sotme.
Formacionet e mundshme:
Laçi: Dajsinani – Roganoviç, Ignjatoviç, Malota – Velija, Deliu, Shehu, Lushkja, Turkaj – Guindo, Mazrekaj. Trajner: Mirel Josa
Skëndërbeu: Rexhepi – Meksi, Vitija, Randi, Sadriu, Vrapi – Viktor, Mara, Moraes – Bismark, Mensah. Trajner: Migen Memelli .
