Portieri i Bayern München, Manuel Neuer, dëshiron që të vazhdojë karrierën e tij tek gjigantët gjermanë. Media të ndryshme raportonin se si do të largohej nga Mynihu këtë verë, por mesa duket situata është krejt ndryshe.
Klubi më i interesuar për shërbimet e portierit gjerman ishte Chelsea. Sipas “Sky”, londinezët po kërkojnë një portier të ri pasi nuk janë të kënaqur me spanjollin Kepa.
Kontrata aktuale e Neuer me bavarezët përfundon në verën e vitit 2021. Agjenti i lojtarit do të takohet me drejtuesit e klubit gjerman për të mbyllur kontratën e re.
Takimi është shtyrë për shkak të situatës së krijuar nga Coronavirusi dhe më shumë pritet të mësohet në ditët në vijim.
Ne fakt ditet e fundit ka patur shume lajme ne lidhje me kete levizje te mundshme te Neuer nga Bayern, madje edhe kritika te ashpra siç kane qene ato nga Mathaus, megjithate lajmi i sotem duket se ka kthyer çdo gje ne vendin e vet.
