Arbi Laçi është një nga njerëzit që punoi me devotshmëri në klubin e Tiranës. Ish-drejtori sportiv kontribuoi në titullin kampion të bardhebluve me punën dhe bashkëpunimin e tij me presidentin Refik Halili.
Që prej largimit nga kryeqytetasit, 32-vjeçari nuk u largua nga futbolli teksa fillimisht punonte pranë Ligës Profesioniste si shef i sektorit të garave.
Ndërsa tanimë, në këtë periudhë të nxehtë vere, ai ka zgjedhur të përfaqësojë disa lojtarë të elitës dhe jo vetëm. Herald Marku është futbollisti më i ri i Partizanit.
E pikërisht ndërmjetësi për këtë transferim duket se ka qenë vetë Laçi. Ky i fundit ka bërë një postim në rrjetet sociale ku shkruan: “Marrëveshja përfundoi”.
