Ernest Muçi ka shkëlqyer në Poloni me skuadrën e Legia Varshavës, aty ku është bërë protagonist në fitoren 3-1 ndaj Vidzev Lodz me dy golat e shënuar.
Veç dy golave që natyrisht i kanë dhënë një vlerësim të veçantë, “Sofa Score” sjell për lexuesit e “Panorama Sport” edhe notën për sulmuesin shqiptar dhe statistikat e tij gjatë gjithë ndeshjes.
Muçi vlerësohet me 9.3 në ndeshjen ku luajti 86 minuta, duke shënuar 2 gola teksa ka goditur 3 herë kuadratin nga 4 gjuajte në total.
Ndërkohë, sulmuesi shqiptar ka qenë mjaft i suksesshëm edhe në driblime duke realizuar 4 nga 4 teksa dy herë ka fituar edhe faull.
