Mesfushori i kombëtares shqiptare, Krisjan Asllani nuk luajti dje për Interin në sfidën ndaj Frosinones të vlefshme për Serinë A.
Ai pati një dëmtim në kofshën e djathtë pak para nisjes së sfidës dhe u largua nga grumbullimi me zikaltrit.
Ndryshime dhe mungesa e 5 futbollistëve, Kombëtarja nis grumbullimin! Gjasula: S’kam parë si tifozët në Shqipëri
Ende nuk dihet nëse mesfushori i talentuar mund të luajë në sfidën ndaj Moldavisë të premten dhe ndaj Ishujve Faroe të hënën e ardhshme. Megjithatë tekniku brazilian Sylvinho ka marrë masat.
Ai ka thërritur në grumbullim mesfushorin 20-vjeçar të Leçes, Medon Berisha. Ky i fundit ka debutuar me skuadrën italiane këtë sezon në sfidën e kupës ndaj Parmës.
Ajo që bëhet me dije për Asllanin është se ai do të jetë i gatshëm për Interin pas sfidave eleminatore, ku zikaltrit do të kenë një përballje direkte për kreun ndaj Juventusit.
