Shkruar nga Maringlen ZHIVANI
Vllaznia futsall ka shënuar një fitore të rëndësishme 2-1 ndaj Kotorit në kuadër të turneut Ulqini Open 2026, duke hedhur një hap konkret drejt kalimit të fazës. Skuadra kuqeblu e mbylli pjesën e parë në avantazh 1-0, falë një loje të organizuar dhe kontrollit të ritmit të takimit.
Golat për Vllazninë u realizuan nga Gokaj dhe Djepxhia, të cilët u treguan vendimtarë në momentet kyçe të sfidës.
Në pjesën e dytë, ekipi administroi me maturi rezultatin, duke treguar siguri në mbrojtje dhe qartësi në veprimet ofensive. Ky sukses e mban Vllazninë në garë për objektivat e turneut dhe rrit besimin për ndeshjet e radhës.
Kuptohet që synimi i kampionëve të Shqipërisë është për t’i shkuar deri në fund këtij turneu, megjithëse kundërshtarë ka disa ekipe shumë të mira, por kuqeblutë janë të bindur se mund t’ia dalin.
