Skënderbeu kërkon vetëm rikthimin në Superiore dhe deri tani është në rrugën e duhur. Së fundmi prezantoi gjashtë afrimet e merkatos së dimrit.
Aldi Gjumsi si ish-sulmues i Tiranës dhe Mario Beshiraj nga Teuta, shtuan forcat e repartit ofensiv. Ilir Dobjani ndërkohë zëvendëson portierin Alia të dëmtuar, ndërsa ka eksperiencat me Egnatian ku provoi trofeun e titullit kampion.
Klaidi Çela ndërkohë si qendërmbrojtës shton forcat, pasi erdhi nga Amerika. Klejdi Paloka si produkt i Vllaznisë u kthye pas eksperiencës me Vushtrinë në Kosovë. I vetmi i huaj është sulmues që vjen nga Norvegjia dhe quhet Elias Arfort.
Njoftimi i Skënderbeut:
“Mirë se vini!
Klaidi Çela, Klejdi Paloka, Aldi Gjumsi, Ilir Dobjani, Elias Aarfort dhe Mario Beshiraj”.
