Manchester United duket se do jetë klubi që do jetë në qendër të vëmendjes së merkatos në janar. Jo vetëm ardhje, por edhe dalje pritet nga “djajtë e kuq” në këtë periudhë. Së fundmi një emër që po përfilitet se mund të largohet nga “Old Trafford” është ai i Daley Blind. Sipas “Daily Express”, holandezi ka prishur marrëdhëniet me Mourinhon dhe shumë shpejt mund të largohet.
Për mbrojtësin ka interes nga Spanja dhe më konkretisht nga Barcelona dhe Real Madridi. Katalanasit duan një zëvendësues për Mascheranon tani që është thuajse i sigurtë kalimi i tij në Kinë ndërsa “los galacticos” kërkojnë një partner në mbrojtje për Sergio Ramos.
