Pas dështimit ditën e martë, pasditen e sotme është mbledhur sërish Asambleja e KF Vllaznia.
Këtë herë duket se gjithçka do të shkojë normalisht sepse i pranishëm është numri i duhur i anëtarëve për zhvillimin e saj.
Punimet e Asamblesë kanë nisur me një relacion që ekonomisti i klubit Petrit Zaganjori ka bërë para anëtarëve në lidhje me pasqyrat financiare të vitit 2017.
Pas kësaj, këshilltarët kanë bërë një seri pyetjesh për anëtarët e Këshillit të Mbikëqyrës dhe kryetarin e tij Shpëtim Quku.
Edhe në këtë mbledhje, ka munguar sërish administratori Astrit Gjyrezi.
