Vllaznia e viteve të fundit ka vuajtur jo pak me ecurinë e saj, aq sa u detyrua të provonte edhe fatin e keq të rënies
nga Superliga. Gjatë një studimi të bërë nga “Shkodra Sport” ka një konstatim aspak të këndshëm
Absurditeti më i madh është se ndër 155 futbollistët që janë aktivizuar me Vllazninë në dekadën e fundit, plot 58 janë të huaj, që vijnë nga jashtë territorit të Republikës së Shqipërisë. Një shifër jashtëzakonishme e madhe sepse përmbën më shumë se 1/3 e numrit total lojtarëve të aktivizuar!!!
Nga të dhënat që ka arritur të nxjerrë nga arkiva “Shkodra Sport”, konstatohet se “më të preferuarit” për drejtuesit shkodranë këto 10 vitet e fundit, kanë qenë futbollistët nga Mali i Zi.
Ardhja e kaq shumë lojtarëve të huaj që shpeshherë kanë treguar një nivel shumë të dobët, padyshim që i ka penguar edhe futbollistët shkodranë të tregojnë vlerat e tyre dhe shpesh janë degdisur nëpër ekipet e tjera.
Specialistë të ndryshëm shpeshherë kanë ngritur zërin për këtë arsye duke thënë se Vllaznia me Akademinë që ka, nuk e ka të domosdoshme marrjen e kaq shumë lojtarëve të huaj, megjithatë kjo praktikë vazhdon të ndodhë sërish.
© shkodrasport.com
