Trajneri i Real Madridit, Carlo Ancelotti, ka thumbuar trajnerin Xavi Hernandez dhe Barcelonën pas komenteve të tyre për ndeshjen kontroverse ndaj Almerias. Pas disa vendimeve të diskutueshme të VAR-it në fitoren me rezultat 3-2 të Real Madridit ndaj Almerias xhiron e kaluar, Xavi kishte thënë për mediat: “Të gjithë e keni parë se çfarë ka ndodhur, do të jetë e vështirë ta fitojmë këtë ligë”.
Kosovari prezanton në Itali veturën e parë shqiptare “Illyrian TSX”Vodhën traktor, televizor, kompjuter e dru, arrestohen katër të dyshuar në PejëNdonëse fiton miliona nga muzika, la vetëm pesë dollarë bakshish – Harry Styles k…Gjendet pa shenja jete një 54-vjeçare në PrizrenKërcënoi me sëpatë gruan dhe katër fëmijët, arrestohet në flagrancë 50-vjeçari në Vaun …
Më vonë gjatë asaj jave, kishte reaguar edhe Joan Laporta i cili kishte dhënë një deklaratë edhe më të fuqishme pasi gazetari Gerard Romero i publikoi audio incizimet e dhomës së VAR-it të asaj ndeshje.
“La Liga është falsifikuar dhe VAR-i është marrë peng”, kishin qenë fjalët e presidentit të Barcelonës. Ancelotti pretendoi se kjo ishte një mënyrë dinake e Barcelonës për të larguar vëmendjen nga skandali i Jose Negreiras, që e ndoqi Barcelonën për disa vite.
“Këtë javë ata kanë folur shumë. Unë mendoj njësoj siç kam thënë më herët, nuk më pëlqen të hyjë në këto diskutime. Ne nuk duhet të shpërqendrohemi nga problemi kryesor. Të gjithë e dinë se çfarë ka ndodhur në 23 vitet e fundit në futbollin spanjoll, këtu është probelmi”, ka thënë Ancelotti.
“La Liga nuk është e falsifikuar, futbolli spanjoll ka pasur një problem. Tani autoritetet anti-korrupsion të zyrës së prokurorit dhe policia janë duke bërë një hetim mbi të dhe ne duhet të presim. Ne nuk duhet të shpërqendrohemi nga çështja kryesore”, përfundoi italiani./telesport/
