Ndeshja midis Atletiko Madrid dhe Barcelonës mbrëmë do të hyjë në histori për performancën e shkëlqyer të djemve të Simeones, të cilët nuk i dhanë asnjë shans ekipit të Flik. Barcelona pësoi një humbje të rëndë, duke u rikthyer në shtëpi me një humbje 4-0.
Dueli nuk kaloi pa polemika, ku menjëherë pas fillimit të pjesës së dytë, në minutën e 52-të, VAR anuloi një gol nga Kubarsi. VAR mori 8 minuta për të shqyrtuar lojën dhe nuk ishte e qartë nëse mbrojtësi i Barçës ishte në pozicion jashtë loje. Pas ndeshjes, CTA (Komiteti Teknik i Gjyqtarëve) konfirmoi se sistemi gjysmëautomatik i pozicionit jashtë loje nuk funksionoi në atë moment.
De Jong, pas ndeshjes, e kritikoi ashpër incidentin në SportyTV: “Pashë një imazh që tregon qartë se ai nuk ishte në pozicion jashtë loje. Imazhi që treguan në TV nuk tregonte momentin e saktë kur Fermin goditi topin. Ka një imazh të Fermin duke gjuajtur ndërsa mbrojtësi ishte një metër larg Levandovskit.
Pra, ju duket shumë e çuditshme? Nuk mund të bëj asgjë për këtë, sepse… Dhe mendoj se nëse imazhi që pashë nuk është i gjeneruar nga inteligjenca artificiale… është një skandal sepse është kaq i qartë”, përfundoi holandezi duke shpërthyer pas humbjes.
