Arbër Hoxha zhvilloi një paraqitje tepër dinjitoze ndaj Anglisë. Në prononcimin e dhënë pas ndeshjes për mikrofonin e “Supersport”, anësori i cili aktivizohet te Dinamo e Zagrebit, deklaroi:
“Nuk e merituam humbjen, bëmë një ndeshjen shumë të mirë nga ana taktike. Unë kisha 2 situata, para se të pësonim golin. Herri Kejn 70 minuta, nuk u pa në ndeshje, një rast iu desh për të shënuar.
U munduam të bëjmë më të mirën, armën më të fortë kam lojën 1 kundër 1, nuk arritëm të marrim rezultat pozitiv. Më dhemb ky fakt, sepse bëmë ndeshje të mirë.
Ishalla po vazhdoj më këtë rritëm dhe t’i ndihmoj Kombëtares shumë edhe më shumë.
Nuk e pashë Bellinghamin kur erdhi, mendova t’i gjuaja portës, ishte rast i pastër për gol, u fut sparkatë, ky është nivel i lartë i futbollit”, u shpreh Arbër Hoxha.
