Zërave se Granit Xhaka do të firmosë për Hertën e Berlinit u shtohet dhe një pistë e re nga Anglia.
Sipas mediave britanike mësohet se trajneri i Arsenalit Mikel Arteta është gati të sakrifikojë futbollistin e Zvicrës për të siguruar transferimin e mesfushorit të Leiçesterit Uilfred Ndidi. Arsenali ka përgatitur ofertën për blerjen e 23-vjeçarit nigerian duke ofruar Xhakën plus 46 milionë € në këmbim të Ndidit.
Futbollisti afrikan renditet si lojtari i dytë në kampionatin anglez me ndërhyrjet më të sakta dhe shihet si element kyç për strategjinë e Artetës.
Ndërkohë, duket se Xhaka nuk e sheh më veten pjesë e “Topçinjve” teksa trajneri i tij i ri nuk kërkon t’i japë një shans të dytë. Përplasja me tifozët e Arsenalit dhe heqja e fanelës gjatë një ndeshje e kanë bërë të padëshirueshëm shqiptarin e Zvicrës në Londër.
Duket se merkatoja e janarit do të dominohet nga lëvizjet intensive mes skuadrave.
