Bekim Balaj ka folur për situatën në të cilën gjendet në Austri, ndërsa ka treguar shqetësimin e tij për babain dhe motrën që jetojnë në Itali. Në një lidhje të drejtpërdrejtë për Supersport, sulmuesi i kombëtares shqiptare deklaroi:
“Jam në merak për babai është në Itali së bashku me motrën që jeton në Rimini. Unë kam bërë stërvitje individuale në një park afër shtëpisë, por edhe atë po e mbyllin.
Kam marrë një program individual dhe po përgatitem vetë. E rëndësishme është që të kalojmë këtë situatë sepse mbi të gjitha është jeta.
Kam folur me të gjithë, sidomos me babin dhe motrën që janë momentalisht në Itali. E kalojmë kohën duke luajtur edhe “Ludo King”.
Sa i përket kualifikimit të Shqipërisë, jam i bindur që e merituam atë kualifikim. Bëmë shumë mirë sepse ishin shumë ndeshje”, përfundoi ai./newsport/
