Pas dopietës në ditën e sotme të Sokol Cikalleshit në Turqi, tashmë rrugën e rrjetës e ka gjetur edhe Bekim Balaj. Sulmuesi shkodran realizoi golin e dytë në minutën e 49 për Shturmin e Grazit, teksa këta të fundit luajtën përballë skuadrës së Admiras. I gjendur përballë portierit kundërshtar, Balaj nuk hezitoi por e depozitoi sferën në rrjetë.
Futbollisti u transferua këtë verë te Shturmi, ndërsa mbylli aventurën disavjeçare në Rusi me Akmat Groznin. Balaj duket se është përshtatur mirë me skuadrën e re, ndërsa ky ishte goli i katërt në kampionat në nëntë javë.
Kështu, 28-vjeçari ka fituar vendin në formacionin titullar. Ndërkohë, me këtë sukses skuadra e Balajt mbetet në vendin e pestë me 16 pikë të grumbulluara, duke u pozicionuar në grupin e skuadrave që do të luftojnë për titullin kampion./VipSport/
